2025-ci ildə “Formula-1” komandalarının kommersiya dəyəri tarixi maksimum həddə qalxıb. Məlumatına istinadən xəbər verir ki, bu il komandaların orta qiyməti 3,6 milyard dollar təşkil edib ki, bu da əvvəlki illə müqayisədə 89% artım deməkdir.
Ən dəyərli “Formula-1” komandası “Ferrari” olub və onun bazar qiyməti 6,5 milyard dollar səviyyəsində qiymətləndirilir. İkinci sırada isə “Mercedes” dayanır, deren dəyəri təxminən 6 milyard dollardır. Hər iki komanda bəzi məşhur NFL və NBA klublarını belə üstələyir.
Digər komandaların da bazar dəyərində əhəmiyyətli artım var. Məsələn, “McLaren” son maliyyə göstəricilərinə əsasən 4,4 milyard dollara çatıb. “Aston Martin” və “Alpine” komandalarının dəyəri son iki ildə xeyli yüksəlib.
Ekspertlərin fikrincə, bu artım əsasən maliyyə xərclərinə qoyulan limitlər, sponsor gəlirlərinin böyüməsi, media hüquqlarının genişlənməsi və “Formula-1”ə olan investor marağının artması ilə bağlıdır. Xüsusən ABŞ-da Apple TV ilə bağlanan 140 milyon dollarlıq illik müqavilə media gəlirlərini artırır. 2024-cü ildə komandaların orta illik gəliri 430 milyon dollar olub və bir çoxları artıq mənfəətlidirlər.
Lakin baza məhdudiyyətləri hələ də mövcuddur. Çempionatda yalnız 24 Qran-pri keçirilir, bolidlərdə sponsor yerləri məhduddur və bazar artım tempi əvvəlki illərə nisbətən azalır. “Forbes”a görə, bu səbəblərdən “Formula-1” hələ NFL və NBA-nin kommersiya dəyərlərinə tam yaxınlaşmayıb.
Buna baxmayaraq, 2026-cı ildə seriyaya qoşulacaq “Cadillac” komandası ilkin olaraq 1 milyard dollar və ya daha çox sərmayə qoyaraq, bazar dəyərinin gələcəkdə artacağından xəbər verir.
