Azərbaycan II Liqasında XX turun oyunları başa çatıb və turun əsas hadisəsi paytaxtda keçirilən qarşılaşmada qeydə alınıb. Üç gün davam edən turun son matçında “Xankəndi” möhtəşəm performans sərgiləyərək həm rekord hesablı qələbə qazanıb, həm də liderliyi yenidən ələ keçirib.
Ötən turda birinci pilləni “Qaradağ Lökbatan”a təhvil verən Qarabağ təmsilçisi bu dəfə 9-cu yerdə qərarlaşan “Kür-Araz”la qarşılaşıb. Oyunun əvvəlindən sonuna qədər üstünlük tam şəkildə “Xankəndi”nin tərəfində olub və nəticədə rəqib 14 cavabsız qolla məğlub edilib. Bu qələbə sayəsində komanda yenidən turnir cədvəlinin zirvəsinə yüksəlib və çempionluq mübarizəsində iddiasını gücləndirib.
XX tur çərçivəsində keçirilən digər oyunlar da müxtəlif nəticələrlə yadda qalıb. Bəzi matçlarda məhsuldarlıq yüksək olsa da, bir neçə qarşılaşma qolsuz bərabərliklə başa çatıb:
- “Şəki Siti” – “Dinamo” 1:6
- “Ağstafa Gəncləri” – “Quba” 0:1
- “Ağdaş” – “Araz Saatlı” 0:0
- “Şəmkir” – “Göygöl” 0:0
- “Qaradağ Lökbatan” – “Şirvan” 7:3
Azərbaycan II Liqası, XX tur, 30 mart:
“Xankəndi” – “Kür-Araz” 14:0
Qollar: B.Teymurov, 18; 42. R.Məhərrəmov, 21. E.Nəsibov, 34; 38; 43. T.Qurbatov, 53; 57. E.Quliyev, 60-pen; 66. M.Canıyev, 69; 85. İ.Səfərzadə, 75. Ə.Mürsəlov, 87.
