Bu gün Əbu-Dabidə cüdo üzrə “Böyük Dəbilqə” turniri start götürür. Yarışın ilk günündə 6 azərbaycanlı idmançı tatamiyə çıxacaq.
Sport-az.com xəbər verir ki, Azərbaycanın cüdo üzrə təmsilçiləri müxtəlif çəki dərəcələrində mübarizəyə qoşulacaqlar.
60 kq
- Balabəy Ağayev yarışa ikinci dövrədən başlayacaq. Onun rəqibi Aleksandru Tersin (Moldova) və Dauren Sukenov (Qazaxıstan) cütünün qalibi olacaq.
- Hüseyn Allahyarov isə ilk görüşünü Nika Xuzairaşviliyə (Gürcüstan) qarşı keçirəcək.
66 kq
- Ruslan Paşayev də mübarizəyə ikinci dövrədən başlayacaq. Onun rəqibi Teo Raul (Fransa) – Rəşid Obaid (BƏƏ) cütünün qalibi olacaq.
- Rəşad Yelkiyev isə İsmayıl Nişonboevlə (Özbəkistan) mübarizə aparacaq.
48 kq
- Leyla Əliyeva turnirə birbaşa 1/4 final mərhələsindən başlayır və ilk görüşünü Almaniya təmsilçisi Sara İşt ilə keçirəcək.
57 kq
- Açelya Toprak Kipr təmsilçisi Marina Azinaya qarşı mübarizə apararaq növbəti mərhələyə yüksəlməyə çalışacaq.
