Braziliyanın Paulista Liqasının 8-ci turunda “Santos” doğma meydanda “Novorizontino”nu qəbul edib. Matçın əsas diqqətçəkən məqamı, 12 il sonra “Santos”a qayıdan Neymarın ilk dəfə əsas heyətdə meydana çıxması olub.
31 yaşlı hücumçu üçün bu, qayıdışından sonra “Santos” forması ilə oynadığı ilk tam matç idi. Öncəki turda “Botafogo San-Paulu” ilə qarşılaşmada ikinci hissədə meydana daxil olan Neymar, bu dəfə oyuna start heyətində çıxıb.
Braziliyalı ulduz futbolçu 2009-2013-cü illərdə “Santos”da parlaq çıxışı ilə adını tarixə yazdırmış və 2013-cü ildə 57 milyon avro qarşılığında “Barselona”ya transfer olunmuşdu.
Buna baxmayaraq, Neymarın varlığı “Santos”a qələbə qazandırmadı və qarşılaşma 0:0 hesabı ilə başa çatdı. Növbəti turda “balıqlar” səfərdə “Korintians”la qarşılaşacaq.
Xatırladaq ki, Neymar qış transfer pəncərəsində “Santos”a qayıdıb və cari mövsümün sonuna qədər klubla müqavilə imzalayıb. O, karyerası ərzində “Santos”un heyətində 225 oyuna çıxıb və 136 qol vurub.
