The Sun tərəfindən “dünyanın ən gözəl futbolçusu” adlandırılan Mədlin Rayt 6 illik fasilədən sonra futbola qayıdaraq “Çetem Taun” ilə müqavilə imzalayıb.
Onun qayıdışı gözlənilməz olub. Model Instagram-da 325 min izləyici toplayıb və OnlyFans platformasında 500 min funt sterlinqdən çox qazanıb. Yeni klub rəsmi açıqlamasında “Mədlinə xoş gəldin! Əminik ki, komandamıza böyük güc qatacaq” sözlərini bildirib.
Azarkeşlərin sosial şəbəkədə reaksiyaları:
- “Abunə kartı neçəyədir?”
- “Bütün matçlara bilet haradan ala bilərəm?”
Raytın internetdəki populyarlığı futbol statistikalarından qat-qat yüksək olsa da, bu, onun dönüşünə marağı daha da artırır. Mədlin futbol karyerasına qayıtsa da, OnlyFans hesabını bağlamaq niyyətində olmadığını vurğulayıb.
O, daha əvvəl “Çarlton” klubunda çıxış edib, lakin 2019-cu ildə qalmaqallı videolara görə müqaviləsi ləğv olunub — həmin görüntülərdə o, şar balonlarından hava çəkir və maşın idarə edərkən şampan içirdi.
