Keçmiş “Formula 1” pilotu və hazırda ekspert kimi fəaliyyət göstərən Ralf Şumaxer, Qətər Qran-prisində “McLaren” komandasının qələbəni itirməsini sərt tənqid edib. Yarış “Red Bull”un pilotu Maks Ferstappenin qələbəsi ilə başa çatıb. “McLaren”dən Oskar Piastri ikinci, “Williams”dan Karlos Sayns isə üçüncü pillədə yer alıb.
Şumaxer bildirib ki, komanda rəhbərliyi qərarlarında səhvlərə yol verib: “Stella açıq şəkildə qəbul etdi ki, bu onun qərarı idi və o, səhv etdi. İdmanda aparıcı sürücü həmişə önə çıxır. Bu yarışda isə Piastri ən sürətli idi və mütləq pit-stop zamanı çağrılmalı idi. Mühəndislər məsuliyyəti öz üzərlərinə götürüb, sürücünün fərqlərindən asılı olaraq qərar verməlidirlər. Düşünürəm ki, burada idarəetmədə problem var. Bir nəfər məsuliyyət daşımalıdır və görünür ki, orada kimsə çox iddialıdır”.
Ekspert həmçinin əlavə edib ki, “McLaren”in əsas problemi qələbəni əldən verən Piastrini Lando Norris ilə olan fərqin hələ də aradan qalxmadığına və Maks Ferstappenin ona yaxınlaşdığına inandırmaqdır. Bu vəziyyət isə Norris üçün ciddi üstünlük deməkdir.
