UEFA-nın mətbuat xidməti Çempionlar Liqasının həftənin ən yaxşı oyunçusu mükafatı üçün iki namizədi açıqlayıb, məlumatı Sport-Az.com təqdim edir.
Bu mükafata namizəd olan oyunçular PSG müdafiəçisi Əşrəf Hakimi və “İnter”in qapıçısı Yan Zommerdir. İtaliya klubunun qapıçısı “Barselona” ilə cavab oyununda (4:3) fenomenal xilasetmələri ilə ən yaxşı oyunçu seçilib. Paris klubunun mərakeşli müdafiəçisi isə “Arsenal”la cavab oyununda (2:1) qalibiyyət qolunu vurub.
Xatırladaq ki, Çempionlar Liqasının finalına PSG və “İnter” yüksəlib. Oyun 31 mayda Almaniyanın “Münhen Arena” stadionunda keçiriləcək və Bakı vaxtı ilə saat 23:00-da başlayacaq.
