ABŞ Açıq Çempionatının cütlər üzrə hazırkı qalibi, avstraliyalı tennisçi Maks Pörsell, dopinq qaydalarını pozduğu üçün 18 ay müddətinə yarışlardan uzaqlaşdırılıb. Sport-az.com xəbər verir ki, bu barədə məlumatı Beynəlxalq Tennis Dürüstlüyü Agentliyi (ITIA) yayıb.
Pozuntu nədən ibarət idi?
Təcrübəli tennisçi bir neçə dəfə 100 ml həddini aşan venadaxili infuziyalar qəbul etdiyi üçün cəzalandırılıb. ITIA, 12 dekabr 2024-cü ildə Perşelli qayda pozuntusu ilə bağlı rəsmi olaraq xəbərdar edib.
Pörsell “qadağan olunmuş metoddan” istifadə etdiyini etiraf edib. O bildirib ki, klinikada ona vitaminli məhlul vurulub və bu miqdar icazə verilən həddi keçib. Tennisçi eyni zamanda qeyd edib ki, tibbi heyəti məhdudiyyətlər barədə əvvəlcədən məlumatlandırmışdı və baş verənlər onu məyus edib.
Cəzanın yüngülləşdirilməsi
Pörsell araşdırma zamanı antidopinq qurumları ilə əməkdaşlıq etdiyindən, ITIA cəzanı 25% yüngülləşdirərək 18 aylıq diskvalifikasiya tətbiq edib. Onun cəzası 11 iyun 2026-cı il tarixində başa çatacaq.
Karyera göstəriciləri
- Hal-hazırda ATP cütlər reytinqində 12-ci pillədə qərarlaşıb.
- 2023-cü ildə Cordan Tompson ilə birlikdə US Open qalibi olub.
- 2022-ci ildə isə Mettyu Ebden ilə birlikdə Uimbldon turnirində çempionluq qazanıb.
