Azərbaycan Basketbol Liqasının III turu çərçivəsində keçiriləcək “Neftçi” – “Gəncə” komandaları arasındakı qarşılaşma təxirə düşüb. Bu barədə Azərbaycan Basketbol Federasiyasının mətbuat xidməti rəsmi açıqlama yayıb.
Oyun “Neftçi”nin Avropa Klublar Kubokunun əsas mərhələsinin I turundakı matçına hazırlıq məqsədilə təxirə salınıb. Belə ki, “Neftçi” oktyabrın 21-də Bakı İdman Sarayında Estoniyanın “Kalev” klubunu qəbul edəcək. Qarşılaşma Bakı vaxtı ilə saat 19:00-da start götürəcək.
Federasiya hər iki tədbirə önəm verir və komandanın beynəlxalq yarışlarda uğurla çıxış etməsi üçün lazımi şəraitin yaradılmasına xüsusi diqqət göstərir.
