Dekabrın 20-22-də yeniyetmə qızlar və oğlanlar arasında cüdo üzrə Bakı birinciliyi keçiriləcək.
Sport-az xəbər verir ki, turnir Fövqəladə Hallar Nazirliyinin Hövsan qəsəbəsində yerləşən İdman Sağlamlıq Mərkəzində təşkil olunacaq.
Yarış zamanı iştirakçılar 16 çəki dərəcəsində mübarizə aparacaq. Ümumilikdə, Bakının 61 klub və idman cəmiyyətini təmsil edən 808 cüdoçu medallar uğrunda qüvvəsini sınayacaq.
Turnirin əsas məqsədi yeniyetmələr və gənclər arasında sağlam həyat tərzinin təşviq edilməsi, eyni zamanda cüdo idman növünün kütləvi şəkildə təbliğinə nail olmaqdır. Bundan əlavə, yarış gələn il baş tutacaq ölkə birinciliyi üçün seçim mərhələsi rolunu oynayır.
