Braziliyanın məşhur futbolçusu Neymar karyerasını böyük ehtimalla “Santos” klubunda davam etdirəcək.
Sport-Az xəbər verir ki, tanınmış jurnalist Fabricio Romano öz sosial şəbəkə hesablarında Neymarın “Santos”a qayıdışının artıq qaçılmaz olduğunu bildirib. Tərəflər arasında şifahi razılıq əldə olunub və gələn həftə “Əl-Hilal” klubu ilə yekun razılaşmanın əldə olunması və sənədlərin yoxlanması prosesi tamamlanacaq.
Xatırladaq ki, Neymar 2013-cü ilə qədər “Santos”un formasını geyinmiş və daha sonra Kataloniya “Barselona”sına transfer olmuşdu.
Hazırkı mövsümdə Neymar “Əl-Hilal”ın heyətində yalnız iki oyunda iştirak edib və məhsuldar hərəkətlərlə yadda qalmayıb. Futbolçunun cari müqaviləsi 30 iyun 2025-ci il tarixinədək qüvvədədir və əlavə bir illik uzadılma opsiyasını da əhatə edir. “Transfermarkt” portalının məlumatına görə, 32 yaşlı Neymarın bazar dəyəri 15 milyon avro təşkil edir.
