Fevralın 11-də Çempionlar Liqasının 1/16 final mərhələsinin ilk oyunları keçiriləcək. Bu mərhələnin qalibləri 1/8 finala birbaşa vəsiqə qazanan səkkiz komandaya qoşulacaq.
Turnirin pley-off mərhələsi başlamazdan əvvəl süni intellekt yarışda iştirak edən bütün komandaların çempionluq şanslarını təhlil edib. Opta Analyst portalının məlumatına görə, süperkompüter turniri 10 000 dəfə simulyasiya edərək potensial qalibi müəyyənləşdirib.
Süni intellektin proqnozu
Analizlərə əsasən, süperkompüter “Liverpul”u əsas favorit hesab edir və onların çempionluq şanslarını 24,6% olaraq qiymətləndirir. İngiltərə təmsilçisi qrup mərhələsini lider kimi tamamlayaraq birbaşa 1/8 finala vəsiqə qazanıb. İlk üçlükdə həmçinin “Arsenal” (16,6%) və “İnter” (14,5%) yer alır. Bu komandalar da yarışa 1/8 final mərhələsindən başlayacaqlar.
Çempionluq uğrunda mübarizə aparan digər iddialı komandalar:
- “Bavariya” – 13,2%
- “Barselona” – 9,8%
- “Mançester Siti” – 6,7%
- “Real Madrid” – 4,4%
Maraqlıdır ki, turnirin hazırkı çempionu olan “Real Madrid” yalnız 4,4% şansa sahibdir. Madrid klubu qrup mərhələsini ilk səkkizliyə düşmədən başa vurduğu üçün 1/16 finalda “Mançester Siti” ilə qarşılaşacaq. Turnirin əsas autsayderi isə “Brest”dir. Süni intellekt fransız klubunun Çempionlar Liqasını qazanmaq ehtimalını praktiki olaraq sıfır hesab edir.
