UEFA Çempionlar Liqasının play-off mərhələsində ilk oyunlar keçirildi. Aprelin 12-də baş tutan qarşılaşmalarda “Bavariya” və “Benfika” səfərdə qalib gələrək cavab oyunlarına üstünlüklə çıxmağa nail oldular.
Sport-Az xəbər verir ki, Şotlandiyanın “Seltik” klubu öz meydanında “Bavariya” ilə qarşılaşdı. Qlazqoda yerləşən “Seltik Park” stadionunda keçirilən görüş alman klubunun 1:2 hesablı qələbəsi ilə yekunlaşdı. Matçda ilk qolu 45-ci dəqiqədə “Bavariya”nın yarımmüdafiəçisi Maykl Olise vurdu. İkinci hissənin əvvəlində, 49-cu dəqiqədə Harri Keyn fərqi artırdı. 79-cu dəqiqədə isə “Seltik”dən Daidzen Maeda hesabı 1:2-yə gətirdi, lakin bu, meydan sahibləri üçün kifayət etmədi.
Digər matçda “Monako” doğma meydanda “Benfika”nı qəbul etdi. Monakodakı “Luis II” stadionunda baş tutan qarşılaşmada qonaqlar minimal hesablı qələbə qazandılar – 0:1. Oyundakı yeganə qolu “Benfika”nın hücumçusu Vangelis Pavlidis 48-ci dəqiqədə vurdu.
UEFA Çempionlar Liqası – Play-off mərhələsi, ilk oyunlar (12 fevral)
- “Brügge” (Belçika) – “Atalanta” (İtaliya) – 2:1
- “Feyenoord” (Niderland) – “Milan” (İtaliya) – 1:0
- “Seltik” (Şotlandiya) – “Bavariya” (Almaniya) – 1:2
- “Monako” (Fransa) – “Benfika” (Portuqaliya) – 0:1
Cavab oyunları 19 fevralda baş tutacaq.
