Azərbaycanın qadınlardan ibarət 3×3 basketbol millisi Rumıniyanın paytaxtı Buxarestdə keçirilən Dünya Seriyası mərhələsində uğurla çıxış edərək 1/4 finala vəsiqə qazanıb.
Sport-az.com-un məlumatına görə, C qrupunun son oyununda yığmamız Ukrayna üzərində 21:20 hesabı ilə gərgin qələbə qazanıb və qrup lideri kimi növbəti mərhələyə yüksəlib.
Komandamız 13 iyulda saat 18:50-də baş tutacaq 1/4 final qarşılaşmasında Çin millisi ilə üz-üzə gələcək.
Xatırladaq ki, Azərbaycan yığması qrup mərhələsində öncədən də əla nəticələr əldə edib:
- Sinqapur – 22:10
- Tsukuba (Yaponiya) – 21:10
- Lausanne (İsveçrə) – 21:11
Qadın basketbolçularımız göstərdikləri əzm və inamlı çıxışla Dünya Seriyasının ən iddialı komandalarından biri olduqlarını sübut ediblər.
