Almaniyanın Reyn-Rur bölgəsində təşkil olunan Ümumdünya Universitet Oyunlarında Azərbaycan yığması medal sıralamasında 11-ci yerdə yer alıb.
Sport-az.com-un Almaniyaya göndərilmiş müxbirinin verdiyi məlumata görə, Azərbaycan komandasının aktivində bədii gimnastika üzrə qrup hərəkətləri komandasının nailiyyətləri dayanır. Ləman Əlimuradova, Güllü Ağalarzadə, Darya Sorokina, Kamilla Əliyeva və Elizaveta Luzandan ibarət komanda iki qızıl və bir gümüş medal qazanaraq ölkəmizi uğurla təmsil edib.
Azərbaycanın nailiyyətləri:
- Bədii gimnastika (qrup hərəkətləri):
- Lentlə hərəkətlər: Qızıl medal
- 3 top və 2 halqa: Qızıl medal
- Ümumi proqram: Gümüş medal
Azərbaycan bu nəticələrlə İspaniya, Fransa, Braziliya, Kanada, Türkiyə, Gürcüstan, Danimarka kimi bir çox ölkəni geridə qoyub.
Medal sıralamasında liderlər:
- ABŞ: 17 qızıl, 9 gümüş, 17 bürünc
- Çin: 10 qızıl, 13 gümüş, 3 bürünc
- Cənubi Koreya: 10 qızıl, 5 gümüş, 11 bürünc
