Azərbaycan Basketbol Liqasında 2025/2026 mövsümünün həyəcanı bu gün start götürür. Mövsümün açılış oyununda son çempion “Sabah” komandası prestijli rəqibi “Neftçi” ilə qarşılaşacaq. Görüş Bakı İdman Sarayında, saat 19:00-da keçiriləcək.
Turnirin ilk turunda maraqlı matçların baş tutacağı gözlənilir. Xüsusilə çempionluq üçün iddialı komandaların debüt çıxışı basketbolsevərlər tərəfindən böyük maraqla gözlənir. Mövsümə yeni transferlərlə başlayan və heyətinə güclü basketbolçular cəlb edən klublar üçün bu start vacib sınaq olacaq.
Birinci turun oyunlarına oktyabrın 2-də yekun vurulacaq. Qarşıdakı günlərdə digər klublar da parketə çıxaraq mövsümə layiqli nəticə üçün ilk addımlarını atacaqlar.
