Azərbaycanlı yeniyetmə badmintonçu Əli Gözəlov İndoneziyada keçirilən turnirdə böyük uğur qazanaraq fəxri kürsüyə yüksəlib və bürünc medala layiq görülüb.
Sport-az.com məlumatına əsasən, Gözəlov “BLC Open” turnirində oğlanlar arasında qoşa yarışda fərqlənərək üçüncü yeri tutub. Şəxsi yarışlarda isə badmintonçumuz 1/4 finala qədər irəliləyərək güclü performans sərgiləyib.
Əlavə olaraq qeyd edək ki, Əli Gözəlov bu ilin iyul ayından etibarən badmintonda dünyanın öndə gələn ölkələrindən biri olan İndoneziyada təlim-məşq toplanışlarında mütəmadi iştirak edir və burada orta təhsilini davam etdirir. Onun bu təlimlərdə iştirakı gələcək inkişafı üçün mühüm bir addım sayılır.
