2026-cı il dünya çempionatının 1/4 final mərhələsində İspaniya millisi dramatik qələbə qazanaraq yarımfinala vəsiqə əldə edib. ABŞ-ın İnqlvud şəhərində yerləşən SoFi Stadiumda keçirilən qarşılaşmada Luis de la Fuente komandasının rəqibi Belçika olub. Gərgin keçən görüş İspaniyanın 2:1 hesablı qələbəsi ilə yekunlaşıb.
Matçın ilk hissəsində hər iki komanda məhsuldar oyun nümayiş etdirib. Hesabı Fabian Ruiz açsa da, Belçika Şarl De Ketelarenin qolu sayəsində fasiləyə qədər tarazlığı bərpa etməyi bacarıb.
Merino yenə son sözü dedi
Oyunun taleyi son dəqiqələrdə həll olunub. 86-cı dəqiqədə meydana daxil olan Mikel Merino cəmi iki dəqiqə sonra fərqlənərək İspaniyaya qələbə qazandırıb. Təcrübəli yarımmüdafiəçi Belçika qapıçısı Senne Lammensin topu qaytara bilməməsindən maksimum yararlanaraq yaxın məsafədən dəqiq zərbə endirib.
Belçika üçün görüşün dönüş nöqtələrindən biri əsas qapıçı Tibo Kurtuanın zədələnməsi olub. Təcrübəli qolkiper 71-ci dəqiqədə meydanı tərk edib və onu əvəzləyən Senne Lammens həlledici epizodda kobud səhvə yol verib.
DÇ-2026. 1/4 final
İspaniya – Belçika – 2:1
Qollar: Fabian Ruiz, 30, Mikel Merino, 88 – Şarl De Ketelare, 41.
