Səudiyyə Ərəbistanının bir klubu “Fənərbağça”nın qapıçısı Dominik Livakoviçi transfer etmək üçün maraq göstərir.
Sport-az.com-in Türkiyə KİV-lərinə istinadən verdiyi məlumata görə, qış transfer pəncərəsi dövründə Səudiyyə Ərəbistanı klubunun Livakoviç üçün rəsmi təklif göndərəcəyi gözlənilir.
Ötən mövsümdə buraxdığı qollar səbəbilə tənqid olunan Dominik Livakoviç bu mövsüm yaxşı performansla diqqət çəkib. Xorvatiyalı qolkiper 13 matçda 14 qol buraxsa da, 5 oyunda qapısını toxunulmaz saxlayıb.
Xatırladaq ki, “Fənərbağça” Livakoviçi ötən il Xorvatiyanın “Dinamo Zaqreb” klubundan 6,6 milyon avroya transfer etmişdi. Onun “Fənərbağça” ilə mövcud müqaviləsi 2028-ci ilə qədər davam edir.
