Azərbaycan Prezidenti İlham Əliyev gələn il ölkəmizdə keçiriləcək III MDB Oyunları barədə fikirlərini bölüşüb.
Sport-az.com-ın AZƏRTAC-a istinadən verdiyi məlumata görə, Prezident İlham Əliyev Moskvada keçirilən MDB Dövlət Başçıları Şurasının məhdud tərkibdə iclasında çıxış edərək, Belarusun II MDB Oyunlarının uğurlu təşkilatçılığını təqdir edib və bu təcrübənin Azərbaycanda keçiriləcək oyunlar üçün də faydalı olacağını vurğulayıb.
Prezident deyib:
“Növbəti il Azərbaycanda III MDB Oyunları keçiriləcək və Gəncə şəhəri idman paytaxtına çevriləcək. Yarışlar, həmçinin Azərbaycanın 10-dan çox şəhərində təşkil olunacaq. Fürsətdən istifadə edərək, Belarusun II MDB Oyunlarının uğurla keçirilməsi münasibətilə təbriklərimi çatdırmaq istərdim. Belaruslu dostlarımızın və qardaşlarımızın təcrübəsi bu mühüm idman tədbirinin təşkilində bizə böyük dəstək olacaq.”
