“Qarabağ” klubunun daha bir legioneri milli komandaya çağırılıb.
Sport-az.com-ın verdiyi məlumata görə, Ağdam təmsilçisinin futbolçusu Patrik Andrade Kabo-Verde milli komandasına dəvət olunub. Klubun mətbuat xidmətinin məlumatına əsasən, 31 yaşlı yarımmüdafiəçi Botsvana ilə matçlar üçün yığmaya qoşulacaq.
Kabo-Verde millisi Botsvana ilə 10 və 15 oktyabr tarixlərində qarşılaşacaq.
Qeyd edək ki, bu ay “Qarabağ”ın digər legionerləri Marko Yankoviç Monteneqro millisinə, Yassin Benzia isə Əlcəzair yığmasına dəvət alıb.
