Azərbaycanın U-23 minifutbol milli komandası Xorvatiyanın Malıy Loşin şəhərində təşkil edilən dünya çempionatında yarımfinala vəsiqə qazanıb.
Sport-az.com-ın verdiyi məlumata görə, 1/4 finalda Rəcəb Fərəczadənin rəhbərlik etdiyi komandamız İngiltərənin uyğun yaş qrupuna aid yığması ilə qarşılaşıb və 3:0 hesabı ilə qalib gəlib.
Yarımfinal görüşü sabah keçiriləcək.
Qeyd edək ki, Azərbaycan millisi qrup mərhələsində Serbiyaya 1:5, Çexiyaya isə 0:2 hesabı ilə uduzsa da, Hindistan yığmasına 16:0 hesabı ilə qalib gələrək növbəti mərhələyə yüksəlmişdi.
