“Bizim əsas niyyətimiz buraya bir sistem gətirməkdir.”
Sport-az.com xəbər verir ki, bunu “Qarabağ” klubunun qonağı olan Almaniya millisinin Türkiyə əsilli sabiq futbolçusu Məsut Özil mətbuat konfransında bildirib.
Məşhur futbolçu, əsas məqsədinin öz təcrübəsini gənc futbolçularla bölüşmək olduğunu vurğulayıb:
“Bu işə başladıqda ticarət barədə düşünmürəm. Hamı bilir ki, mənim karyeram və bacarığım var. Bu bacarıqları yeni nəslə öyrətmək istəyirəm. Avropada əhali sayı az olan ölkələrdən də istedadlı oyunçular çıxır. Niyə Türkiyədə, Azərbaycanda da belə futbolçular olmasın?”
