Ermənistan millisinin baş məşqçisi Aleksandr Petrakov vəzifəsindən istefaya göndərilib.
Sport-az.com xəbər verir ki, bu barədə məlumatı Ermənistan Futbol Federasiyası öz sosial şəbəkə hesablarında yayıb. Bildirilib ki, ukraynalı mütəxəssis vəzifəsindən qovulub.
Bu qərar, Ermənistan millisinin ötən gün UEFA Millətlər Liqasının 4-cü turunda evdə Şimali İrlandiyaya 0:2 hesabı ilə məğlubiyyətindən sonra gəlib. Hazırda Ermənistan millisi C liqasının 4-cü qrupunda 4 xalla 2-ci yerdədir.
Qeyd edək ki, Aleksandr Petrakov ötən ilin yanvar ayından bu vəzifəni icra edirdi.
