FİFA 2026-cı il dünya çempionatının biletlərinin satışında böyük uğura nail olub. ABŞ, Kanada və Meksikada təşkil olunacaq mundial üçün artıq 2 milyon bilet satıldığı açıqlanıb. Bu məlumatı qurumun mətbuat xidməti yayıb.
Biletlərin qiymətləri 60 dollardan başlayaraq 6730 dollara qədər dəyişir. Turnir 11 iyun – 19 iyul tarixləri arasında keçiriləcək və tarixində ilk dəfə 48 milli komanda mübarizə aparacaq. Hazırda mövcud dünya çempionu Argentina millisi hesab olunur. Onlar 2022-ci ildə keçirilən finalda Fransa üzərində 3:3-lük gərgin matçın ardından penaltilər seriyasında qalib gəlib.
DÇ-2026 həm idman sevərlərin, həm də biletlər üçün marağın yüksək olduğu bir turnir kimi diqqət çəkir və satışların hələ davam edəcəyi bildirilib.
