Sabah Azərbaycanın MMA döyüşçüsü Nəriman Abbasov (77 kq çəki dərəcəsində) növbəti döyüşünü keçirəcək.
Sport-az.com xəbər verir ki, Abbasov Rusiyanın paytaxtı Moskvada keçirilən “Hype Fighting Championship” turnirində qüvvəsini sınayacaq. Onun rəqibi yerli döyüşçü Mariq Pirayev olacaq. Bu döyüş həm də Pirayev üçün revanş xarakteri daşıyır, çünki o, 2022-ci ildə “Fights Nights” turnirində Nərimana məğlub olmuşdu.
Gecənin əsas döyüşü olan bu qarşılaşmada qalib döyüşçü kəmərə sahib çıxacaq.
