Bu gün 17 yaşadək futbolçulardan ibarət Azərbaycan milli komandası Avropa çempionatının seçmə mərhələsində ilk oyununa çıxacaq.
Sport-az.com-ın məlumatına görə, 6-cı qrupda yer alan komandamız Macarıstan yığması ilə qarşılaşacaq. Matç Rumıniyanın “Tunari” stadionunda keçiriləcək və qarşılaşmanı moldovalı hakim İon Orlik idarə edəcək. Oyun Bakı vaxtı ilə saat 14:00-da başlayacaq.
Qrupun digər oyununda isə Rumıniya və Yunanıstan komandaları üz-üzə gələcək.
13 noyabr
14:00. Macarıstan (U-17) – Azərbaycan (U-17)
Baş hakim: İon Orlik (Moldova)
Yer: Tunari stadionu, Rumıniya
