Bu gün “Sabah” basketbol klubu avrokubokda növbəti matçına çıxacaq.
Sport-az.com-in verdiyi məlumata görə, Azərbaycan çempionu FİBA Avropa kubokunun sonuncu — VI turunda İsveçdə “Nörçöppinq” komandasının qonağı olacaq. Rimas Kurtinaytisin yetirmələri üçün bu oyun formal xarakter daşıyır. Təmsilçimiz oynadığı 5 matçın hamısında məğlub olduğu üçün qrupdan çıxmaq şansını artıq itirib. Buna baxmayaraq, komanda Bakıda 70:74 hesabı ilə uduzduğu rəqibindən revanş almağa çalışacaq.
Qeyd edək ki, G qrupunun digər oyununda “Marussi” və “Spirou” komandaları liderlik uğrunda mübarizə aparacaq.
FİBA Avropa Kuboku
G qrupu, VI tur
13 noyabr
22:00. “Nörçöppinq” (İsveç) – “Sabah”
Hakimlər: Ritvars Helmsteins (Latviya), Karol Kovalski (Finlandiya), David Tomasson (İslandiya)
Yer: Nörçöpinq, Stadium Arena
G qrupunda mövcud vəziyyət:
| Komanda | Oyun | Qələbə | Məğlubiyyət | Xal fərqi | Xal |
|---|---|---|---|---|---|
| Spirou | 5 | 5 | 0 | 429-389 | 10 |
| Marussi | 5 | 3 | 2 | 403-374 | 8 |
| Nörçöppinq | 5 | 2 | 3 | 399-430 | 7 |
| Sabah | 5 | 0 | 5 | 360-398 | 5 |
