2026-cı il dünya çempionatının bürünc medal uğrunda oyununda Fransa və İngiltərə milliləri üz-üzə gələcək. Hər iki komanda yarımfinalda məğlub olsa da, turniri qələbə ilə başa vurmaq və fəxri kürsüdə yer almaq niyyətindədir. Qarşılaşma həm də Fransa millisinin baş məşqçisi Didye Deşam üçün mundialdakı son oyunu olacaq.
Eyni zamanda Kilian Mbappe bombardir yarışında liderlik uğrunda mübarizəni davam etdirir. İngiltərə millisinin kapitanı Harri Keyn isə həm komandasını bürünc medallara daşımağa, həm də turnirdəki qol hesabını artırmağa çalışacaq. “Üç şirlər” Tomas Tuxelin rəhbərliyi altında dünya çempionatını qələbə ilə başa vurmağı hədəfləyir. Məşqçilərin bu qarşılaşmada müəyyən rotasiyalar etməsi də istisna olunmur.
Bu görüş iki futbol nəhənginin tarixdə 33-cü qarşılaşması olacaq. İndiyədək keçirilən 32 oyunda üstünlük İngiltərə millisinin tərəfindədir. “Üç şirlər” 17 qələbə qazanıb, Fransa 10 dəfə qalib gəlib, 5 qarşılaşma isə heç-heçə başa çatıb. Top fərqində də ingilislər öndədir – 72:41.
Fransa və İngiltərə arasında bütün oyunlar:
- 2026: Dünya Çempionatı – Fransa – İngiltərə
- 2022: Dünya Çempionatı – İngiltərə – Fransa – 1:2
- 2017: Yoldaşlıq oyunu – Fransa – İngiltərə – 3:2
- 2015: Yoldaşlıq oyunu – İngiltərə – Fransa – 2:0
- 2012: Avropa çempionatı – Fransa – İngiltərə – 1:1
- 2010: Yoldaşlıq oyunu – İngiltərə – Fransa – 1:2
- 2008: Yoldaşlıq oyunu – Fransa – İngiltərə – 1:0
- 2004: Avropa çempionatı – Fransa – İngiltərə – 2:1
- 2000: Yoldaşlıq oyunu – Fransa – İngiltərə – 1:1
- 1999: Yoldaşlıq oyunu – İngiltərə – Fransa – 0:2
- 1997: Yoldaşlıq oyunu – Fransa – İngiltərə – 0:1
- 1992: Avropa çempionatı – Fransa – İngiltərə – 0:0
- 1992: Yoldaşlıq oyunu – İngiltərə – Fransa – 2:0
- 1984: Yoldaşlıq oyunu – Fransa – İngiltərə – 2:0
- 1982: Dünya Çempionatı – İngiltərə – Fransa – 3:1
- 1969: Yoldaşlıq oyunu – İngiltərə – Fransa – 5:0
- 1966: Dünya Çempionatı – İngiltərə – Fransa – 2:0
- 1963: AÇ seçmə mərhələsi – Fransa – İngiltərə – 5:2
- 1962: AÇ seçmə mərhələsi – İngiltərə – Fransa – 1:1
- 1957: Yoldaşlıq oyunu – İngiltərə – Fransa – 4:0
- 1955: Yoldaşlıq oyunu – Fransa – İngiltərə – 1:0
- 1951: Yoldaşlıq oyunu – İngiltərə – Fransa – 2:2
- 1949: Yoldaşlıq oyunu – Fransa – İngiltərə – 1:3
- 1947: Yoldaşlıq oyunu – İngiltərə – Fransa – 3:0
- 1938: Yoldaşlıq oyunu – Fransa – İngiltərə – 2:4
- 1933: Yoldaşlıq oyunu – İngiltərə – Fransa – 4:1
- 1931: Yoldaşlıq oyunu – Fransa – İngiltərə – 5:2
- 1929: Yoldaşlıq oyunu – Fransa – İngiltərə – 1:4
- 1928: Yoldaşlıq oyunu – Fransa – İngiltərə – 1:5
- 1927: Yoldaşlıq oyunu – Fransa – İngiltərə – 0:6
- 1925: Yoldaşlıq oyunu – Fransa – İngiltərə – 2:3
- 1924: Yoldaşlıq oyunu – Fransa – İngiltərə – 1:3
- 1923: Yoldaşlıq oyunu – Fransa – İngiltərə – 1:4
Bu rəqabətin rəsmi turnirlər üzrə ən məhsuldar futbolçuları Zinəddin Zidan, Brayan Robson, Rocer Hant, Marian Vişnevski və Lüsyen Kossu hesab olunur. Onların hər biri Fransa–İngiltərə qarşıdurmalarında rəsmi oyunlarda 2 qol vurmağa nail olub. Qarşıdakı bürünc medal görüşü isə bu zəngin futbol tarixinin növbəti maraqlı səhifəsi olacaq.
