“Barselona”nın baş məşqçisi Hans-Diter Flik komandanın yeni mövsümdəki taktiki planları barədə danışarkən Lamin Yamalın fərqli mövqedə də çıxış edə biləcəyinə işarə edib. Alman mütəxəssis gənc futbolçunun yalnız cinah hücumçusu kimi deyil, ehtiyac yaranacağı halda mərkəzdə də oynaya biləcəyini bildirib.
Flikin sözlərinə görə, Yamalın texniki bacarığı, oyun intellekti və universal keyfiyyətləri ona “saxta doqquzluq” rolunda da çıxış etməyə imkan verir. Bununla belə, məşqçi hazırda 19 yaşlı ispaniyalını əsasən başqa mövqedə düşündüklərini vurğulayıb. O qeyd edib ki, futbolçu əvvəllər də hücumun mərkəzində meydana çıxıb və bu variant gələcəkdə də nəzərdən keçirilə bilər.
Baş məşqçi bildirib ki, heyətin çevikliyi “Barselona”ya müxtəlif taktiki sxemlərdən istifadə etmək imkanı yaradır. Onun fikrincə, komandanın hücum xəttində mövqe dəyişiklikləri etmək üçün kifayət qədər seçim mövcuddur.
Flik əlavə edib ki, Entoni Qordon və Kərim Adeyemi həm sağ, həm sol cinahda, həm də mərkəz hücumçusu mövqeyində oynaya bilən futbolçulardır. Bu isə mövsüm ərzində rəqibə və oyunun gedişinə uyğun fərqli hücum kombinasiyalarının tətbiqinə şərait yaradır.
