Şüvəlan Ağırlıqqaldırma Mərkəzində pauerliftinq və benç-press üzrə Azərbaycan Kuboku başa çatıb. Yarışda ölkənin müxtəlif şəhər və rayonlarını təmsil edən 75-dən çox idmançı gücünü sınayıb.
Turniri gənclər və idman naziri Fərid Qayıbov və digər fəxri qonaqlar da izləyiblər. İdmançılar böyüklər və gənclər arasında müxtəlif çəki kateqoriyalarında, həmçinin mütləq çəki dərəcəsində mükafatlar uğrunda mübarizə aparıblar.
Pauerliftinq üzrə mütləq çəki dərəcəsində Məhəmməd Hüseynov, Razim Muradov və Osman Allahverdiyev fərqləniblər. Benç-pressdə isə Azər Əliyev, Abbas Muradov və Ramil Əhmədov mütləq çəki dərəcəsində ilk üçlükdə yer alıblar.
Pauerliftinq üzrə qaliblər
Qadınların mütləq çəki dərəcəsində Bakı təmsilçisi Zeynəb Kərimova Azərbaycan Kubokunun qalibi olub.
Böyüklər arasında:
- 66 kq — Elmir Rüstəmov
- 74 kq — Kamran Bədəlov
- 83 kq — Hüseyn Həsənov
- 93 kq — Osman Allahverdiyev
- 105 kq — Vüsal Ağalarov
- 120 kq — Razim Hüseynov
- +120 kq — Məmməd Tağızadə
Gənclər arasında:
- 59 kq — Rəvan Mahmudov
- 66 kq — Elçin Əlizadə
- 74 kq — Mühəmməd Nağıyev
- 83 kq — Riad Səfərov
- 105 kq — Əli Əliyev
- 120 kq — Elvin Məmmədov
Benç-pressdə kuboku qazanan idmançılar
Benç-press yarışında da böyüklər və gənclər üzrə müxtəlif çəki kateqoriyalarının qalibləri müəyyənləşib.
Böyüklər arasında:
- 59 kq — Nurəddin Daşdəmirov
- 66 kq — Ziya Məmmədov
- 83 kq — Samir Məmmədov
- 93 kq — Abbas Muradov
- 105 kq — Ramil Əhmədov
- 120 kq — Azər Əliyev
Gənclər arasında:
- 66 kq — Hüseyn Süleymanov
- 74 kq — Cabbar Hacıyev
- 83 kq — Lətif Abdullayev
- 93 kq — İlkin Vəliyev
- 120 kq — Mahir Şıxəliyev
Beləliklə, Azərbaycan Kubokunda həm pauerliftinq, həm də benç-press üzrə fərqli yaş və çəki kateqoriyalarında ölkənin ən güclü idmançıları müəyyənləşib.
