UEFA Avropa Liqasının 2026/27 mövsümündə Liqa mərhələsinin ilk turuna yekun vurulub. İkinci oyun günündə keçirilən doqquz qarşılaşmada bir sıra böyükhesablı nəticələr qeydə alınıb.
Türkiyə təmsilçisi “Beşiktaş” İstanbulda “Olimpik Marsel” üzərində 4:1 hesablı qələbə qazanaraq turnirə uğurlu başlayıb. İlk hissə 1:1 hesabı ilə yekunlaşsa da, meydan sahibləri fasilədən sonra üç qol vuraraq görüşün taleyini həll ediblər. “Beşiktaş”ın qollarını İlhan Fakılı, Vatslav Çerni, Amir Murillo və Ernest Poku vurublar.
“Yuventus” da ilk turda böyükhesablı qələbə ilə yadda qalıb. Turin klubu Niderlandın “Neymegen” komandasının qapısından beş cavabsız top keçirib. “Bornmut” isə avrokuboklarda debüt oyununda səfərdə “Real Sosyedad”ı 2:1 hesabı ilə məğlub edib.
UEFA Avropa Liqası
Liqa mərhələsi, I tur
- “Levski” (Bolqarıstan) – “Zaltsburq” (Avstriya) – 0:1
- OFİ (Yunanıstan) – “Hoffenhaym” (Almaniya) – 2:0
- “Beşiktaş” (Türkiyə) – “Olimpik Marsel” (Fransa) – 4:1
- “Yuventus” (İtaliya) – “Neymegen” (Niderland) – 5:0
- “Real Sosyedad” (İspaniya) – “Bornmut” (İngiltərə) – 1:2
- “Kristal Pelas” (İngiltərə) – “Lex” (Polşa) – 4:0
- “Seltik” (Şotlandiya) – “Ferentsvaroş” (Macarıstan) – 1:3
- “Viktoriya” (Çexiya) – “Yunion” (Belçika) – 0:3
- “Lillestrem” (Norveç) – “Torreense” (Portuqaliya) – 1:2
İlk turun digər doqquz qarşılaşması bir gün əvvəl oynanılıb. Beləliklə, Liqa mərhələsində mübarizəyə başlayan 36 komandanın hamısı ilk oyununu keçirib. “Torreense” də “Bornmut” kimi turnirdəki debütünü qələbə ilə qeyd edib.
Avropa Liqasında II turun qarşılaşmaları oktyabrın 15-də baş tutacaq. “Beşiktaş” səfərdə “Hoffenhaym”la, “Yuventus” “Selta” ilə, “Bornmut” isə doğma meydanda “Şturm”la qarşılaşacaq. Liqa mərhələsi 2027-ci il yanvarın 28-dək davam edəcək.
