Bakıda keçiriləcək “Formula-1” üzrə Azərbaycan Qran-prisinin yarış həftəsi üçün rəsmi proqram müəyyənləşib. Bakı Şəhər Halqasında mübarizə 24 sentyabrda başlayacaq və üç gün davam edəcək.
2026-cı il mövsümünün 15-ci mərhələsi olan Azərbaycan Qran-prisi ənənəvi həftəsonundan fərqli olaraq şənbə günü – sentyabrın 26-da əsas yarışla yekunlaşacaq. Yarışın tarixinin dəyişdirilməsi Azərbaycan tərəfinin müraciətindən sonra razılaşdırılıb.
İlk iki gün sərbəst yürüşlər və sıralanma turu keçiriləcək
Cümə axşamı pilotlar iki sərbəst yürüşdə Bakı trekini sınaqdan keçirəcəklər. Üçüncü sərbəst yürüş və start düzülüşünü müəyyən edəcək sıralanma turu isə ertəsi gün baş tutacaq. Bütün vaxtlar Bakı vaxtı ilə göstərilib.
24 sentyabr, cümə axşamı
- 12:30–13:30 – Birinci sərbəst yürüş (FP1)
- 16:00–17:00 – İkinci sərbəst yürüş (FP2)
25 sentyabr, cümə
- 12:30–13:30 – Üçüncü sərbəst yürüş (FP3)
- 16:00–17:00 – Sıralanma turu
Azərbaycan Qran-prisinin qalibini müəyyənləşdirəcək əsas yarış 26 sentyabr saat 15:00-da başlayacaq. Pilotlar 6,003 kilometrlik Bakı Şəhər Halqasında 51 dövrə vuracaqlar. Yarışın ümumi məsafəsi təxminən 306 kilometr təşkil edəcək.
26 sentyabr, şənbə
- 15:00 – Azərbaycan Qran-prisinin əsas yarışı
Yarış həftəsi çərçivəsində “Formula-2” mərhələsi də keçiriləcək. F2 proqramına sərbəst yürüş, sıralanma sessiyaları və üç yarış daxildir.
