UEFA Çempionlar Liqasının əsas mərhələsi çərçivəsində baş tutacaq “Sabah” – “Slaviya” qarşılaşması ilə əlaqədar azarkeşlərin Bakı Olimpiya Stadionuna rahat gediş-gəlişini təmin etmək məqsədilə xüsusi nəqliyyat marşrutları ayrılacaq. Oyundan əvvəl “Qara Qarayev” və “Gənclik” metro stansiyalarından birbaşa stadiona xüsusi avtobuslar xidmət göstərəcək, eyni zamanda paytaxt metrosu matç günü gücləndirilmiş xüsusi rejimdə fəaliyyətini davam etdirəcək.
Klub rəhbərliyi yarana biləcək sıxlığın qarşısını almaq üçün tamaşaçılara arenaya oyunun start fitindən ən azı üç saat əvvəl gəlməyi tövsiyə edib. Erkən gələn futbolsevərlər stadionun ərazisində təşkil edilən “Fan Zone” məkanında oyunöncəsi müxtəlif əyləncə proqramlarına qatıla biləcəklər. Matç başa çatdıqdan sonra isə şatl avtobusları azarkeşləri arenadan “Qara Qarayev”, “Gənclik” və Binə qəsəbəsi istiqamətlərinə ödənişsiz daşıyacaq. Qeyd edək ki, “Sabah” – “Slaviya” qarşıdurması oktyabrın 13-də saat 20:45-də Bakı Olimpiya Stadionunda keçiriləcək.
