Fransalı hücumçu Kilian Mbappe 2024-cü il Qitələrarası Kubokun finalında “Paçuka”ya qarşı oynadığı matçda yadda qalan bir nailiyyətə imza atıb. Mbappe, komandasının 3:0 hesablı qələbəsində həm qol vurub, həm də məhsuldar ötürmə edib.
Sport-az “Opta Sport”a istinadən bildirir ki, bu nailiyyət onu son on ildə “Real Madrid”in iki fərqli final oyununda qol vuran üçüncü oyunçu edib. Bu uğura daha əvvəl uelsli Qaret Beyl (2014) və ispaniyalı Marko Asensio (2017) nail olmuşdular.
Mbappe, “Real Madrid”dəki uğurlarına UEFA Superkubokunu qazanmaqla başlamışdı. Bu mövsüm fransız hücumçu klubun heyətində çıxış etdiyi 23 matçda 13 dəfə rəqib qapılarını silkələyib və 3 məhsuldar ötürmə ilə yadda qalıb.
