“Real Madrid” klubunun keçmiş qapıçısı Keylor Navas “Barselona”dan təklif gözləyir. Sport24.az-ın verdiyi məlumata görə, kataloniyalılar əsas qapıçıları Mark-Andre ter Ştegenin zədələnərək mövsümün sonuna qədər sıradan çıxmasından sonra yeni qapıçı axtarışına başlayıblar.
37 yaşlı Navas La Liqaya qayıtmaq istəyini bildirib və maaşın onun üçün problem olmadığını qeyd edib.
Kosta-rikalı qapıçı 2014-2019-cu illərdə “Real Madrid”də oynayıb və daha sonra PSJ-yə keçib. O, son olaraq 2023-cü ildə “Nottingem Forest” klubunda çıxış edib və hazırda azad agent statusundadır.
Qeyd edək ki, Mark-Andre ter Ştegenin zədələnməsindən sonra “Barselona”nın sabiq qapıçısı Klaudio Bravo da komandaya kömək etməyə hazır olduğunu bildirmişdi.
