Basketbol üzrə Avropa kubokunun qrup mərhələsində “Sabah” komandasının daha bir rəqibi məlum olub.
Sport-az.com xəbər verir ki, Yunanıstanın “Marussi” komandası “bayquşlar”la eyni qrupda mübarizə aparacaq. Yunan təmsilçisi seçmə mərhələsinin cavab oyununda Kosovo klubu “Peja”ya 106:81 hesabı ilə qalib gələrək, qrup mərhələsinə yüksəlib. Onlar ilk oyunda da 98:75 hesabı ilə qalib gəlmişdilər, beləliklə, Azərbaycan təmsilçisinin rəqiblərindən biri olublar.
Xatırladaq ki, “Sabah”ın digər rəqibi daha əvvəl müəyyən olunmuş “Nörçöppinq Delfins” komandasıdır.
