Bu gün UEFA Avropa Liqasının Liqa mərhələsində ikinci turun oyunları keçirilib. Azərbaycanın turnirdəki təmsilçisi “Qarabağ” öz meydanında İsveç çempionu “Malmö” komandasını qəbul edib. Oyun Bakıdakı Tofiq Bəhramov adına Respublika stadionunda baş tutub və görüş Yunanıstanlı hakimlər briqadası tərəfindən idarə olunub. Qarşılaşmanın nəticəsinə əsasən, “Qarabağ” 1:2 hesabı ilə məğlub olub.
Matçın ilk qolu 15-ci dəqiqədə Olaviyo Juninyo tərəfindən vurulub və “Qarabağ” 1:0 hesabı ilə önə keçib. Ancaq cəmi beş dəqiqə sonra Erik Botheym hesabı bərabərləşdirib. İkinci hissənin 47-ci dəqiqəsində isə Botheym “Malmö”yə ikinci qolu qazandıraraq matçın son nəticəsini müəyyən edib.
Bu nəticə ilə “Qarabağ”ın Liqa mərhələsində xalı hələ də yoxdur və hazırda 36 komanda arasında 34-cü yerdə qərarlaşıb.
Avropa Liqası, Liqa mərhələsi – II tur
3 oktyabr, 20:45
“Qarabağ” (Azərbaycan) – “Malmö” (İsveç) – 1:2
Qollar: Olaviyo Juninyo, 15 (1:0), Erik Botheym, 20 (1:1), 47 (1:2)
Hakimlər: Anastasios Papapetru, Tryfon Petropoulos, İordanis Aptosoglou, Alexandros Tsakalidis
VAR: Angelos Evangelou
AVAR: Athanasios Tzilos (Yunanıstan)
Stadion: Tofiq Bəhramov adına Respublika stadionu
