“Mançester Siti” transfer pəncərəsinin son günlərində böyük keçidlərdən birini rəsmiləşdirib. İngiltərə klubu 25 yaşlı argentinalı yarımmüdafiəçi Enzo Fernandesi “Çelsi”dən heyətinə qatıb.
Transferin məbləği 125 milyon funt sterlinqə (təxminən 145 milyon avro) çatıb. Bununla Enzo Fernandesin keçidi Aleksander İsaka görə ödənilən məbləği təkrarlayaraq İngiltərə klubları üçün rekord səviyyəyə yüksəlib. Argentinalı futbolçu “Mançester Siti” ilə 5 illik müqavilə imzalayıb.
Maraqlıdır ki, Fernandes Premyer Liqanın ən bahalı transferləri sırasında iki dəfə yer alır. “Çelsi” onu 2023-cü ilin yanvarında “Benfika”dan 106,8 milyon funt sterlinq qarşılığında transfer etmişdi.
Premyer Liqa tarixinin ən bahalı transferləri
Son iki yay transfer pəncərəsi İngiltərə klublarının xərclərinin sürətlə artması ilə yadda qalıb. 2026-cı ilin yayında Premyer Liqa klublarının ümumi transfer xərcləri təxminən 3,46 milyard funt sterlinqə çataraq yeni rekord müəyyənləşdirib.
İlkin transfer məbləğlərinə əsasən ən bahalı keçidlərin sıralaması belədir:
- 125 milyon funt – Enzo Fernandes (“Çelsi” → “Mançester Siti”), 2026/27
- 125 milyon funt – Aleksander İsак (“Nyukasl” → “Liverpul”), 2025/26
- 117 milyon funt – Morqan Rocers (“Aston Villa” → “Çelsi”), 2026/27
- 116 milyon funt – Elliot Anderson (“Nottingem Forest” → “Mançester Siti”), 2026/27
- 106,8 milyon funt – Enzo Fernandes (“Benfika” → “Çelsi”), 2022/23
- 106 milyon funt – Bredli Barkola (PSJ → “Liverpul”), 2026/27
- 100 milyon funt – Cek Qriliş (“Aston Villa” → “Mançester Siti”), 2021/22
- 100 milyon funt – Florian Virts (“Bayer” → “Liverpul”), 2025/26
- 100 milyon funt – Deklan Rays (“Vest Hem” → “Arsenal”), 2023/24
- 100 milyon funt – Moyzes Kaysedo (“Brayton” → “Çelsi”), 2023/24
Beləliklə, Enzo Fernandes təkcə rekord məbləğə “Mançester Siti”yə keçməyib, həm də Premyer Liqa tarixində iki ayrı transferinə görə 100 milyon funtdan çox ödənilən ilk futbolçu olub.
