Perunun paytaxtı Limada keçirilən cüdo üzrə gənclər arasında dünya çempionatında Azərbaycan idmançısı Məhəmməd Musayev ilk yarış günündə uğurlu nəticəyə imza atıb. -66 kq çəki dərəcəsində çıxış edən gənc cüdoçumuz bürünc medal uğrunda görüşdə həmvətənimiz Nizami İmranov üzərində qələbə qazanaraq fəxri kürsünün üçüncü pilləsinə yüksəlib.
Qeyd etmək lazımdır ki, Limadakı Dünya Çempionatına ümumilikdə 65 ölkədən 463 idmançı qatılıb. Məhəmməd Musayevin bu uğuru Azərbaycan cüdo məktəbinin beynəlxalq arenadakı mövqeyini bir daha təsdiqləyib.
