“Real Madrid”in hücumçusu Kilian Mbappe La Liqada 31 qol vuraraq “Qızıl Buts” mükafatına layiq görülüb. Futbolçu ötən mövsüm 34 qarşılaşmada bu əhəmiyyətli nəticəni göstərib.
Mükafatı qəbul edən Mbappe bildirib: “Bu mükafatı almaq mənim üçün böyük şərəfdir. Mənə dəstək olan hər kəsə təşəkkür edirəm. Komanda yoldaşlarımın yanımda olması və dəstəyi sayəsində uğurlarımız davamlıdır. Biz əla kollektivik və böyük nailiyyətlər əldə edə bilərik.”
Futbolçu “Real Madrid”də oynamağın uşaqlıq arzusu olduğunu vurğulayaraq əlavə edib: “Burada olmaq mənim üçün böyük xoşbəxtlikdir. Ümid edirəm uzun illər boyu bu komandada qalacam. Azarkeşlərin dəstəyi də mənim üçün çox dəyərlidir.”
Mbappe yaxın gələcəkdə yenidən “Qızıl Buts” karyerasını təkrarlamaq istədiyini dilə gətirib: “Yaxşı başlanğıc etməyimə baxmayaraq, qarşıda hələ çox işlər var.”
