Səudiyyə Ərəbistanının paytaxtı Ər-Riyadda keçiriləcək VI İslam Həmrəyliyi Oyunlarında ölkəmizi təmsil edəcək qılıncoynadanların siyahısı müəyyənləşib. Azərbaycan Qılıncoynatma Federasiyasının məlumatına əsasən, sablya və şpaqa növləri üzrə şəxsi və komanda yarışlarında ümumilikdə 15 idmançı mübarizə aparacaq.
Sablya növündə qadınlarda yarışlarda Palina Kaspiaroviç və Səbinə Kərimova fərdi mübarizədə qüvvəsini sınayacaq. Komanda yarışında isə onlara Zərifə Hüseynova da qoşulacaq. Kişilərdə isə sablya üzrə Maqsud Hüseynli, Saleh Məmmədov fərdi, komanda yarışlarında isə əlavə olaraq Murad Əkbərov da təmsil olunacaq.
Şpaqa növündə qadınların fərdi yarışında Aynur Quliyeva və Nəzrin Mehdiyeva çıxış edəcək, komanda yarışında isə onların sırasına Xədicə Həsənli və Nazilə Rəhimova da daxil olacaq. Kişilər arasında şpaqa üzrə fərdi yarışlarda Ruslan Həsənov və Vahab Fətullayev, komanda mübarizəsində isə Ruslan Həsənovla yanaşı Emin Səfərbəyov və Mirxətai Məmmədov iştirak edəcəklər.
Qılıncoynatma yarışları noyabrın 17-dən 20-dək davam edəcək və beynəlxalq səviyyədə ölkəmizin adını uğurla təmsil edəcək idmançılar böyük ümidlər və məqsədlərlə yarışacaqlar.
