Səudiyyə Ərəbistanının paytaxtı Ər-Riyadda davam edən VI İslam Həmrəyliyi Oyunlarında Azərbaycan təmsilçiləri bu gün beş idman növündə yarışlarda çıxış edəcəklər. Məlumatına əsasən, üzgüçülərdən Səid Həmidov, Yeqor Maynitskiy, Abdurrahman Rüstəmov, Ramil Vəlizadə, Rəşad Alquliyev, Fatima Alkaramova, Süleyman İsmayılzadə, Oqtay Hüseynov, Vlastilina Xasyanova, Mehri Əbdurəhmanlı və Anastasiya Boborıkina ibarət qarışıq komanda bacarıqlarını nümayiş etdirməyə çalışacaq.
Stolüstü tennisin fərdi yarışlarında kişilərdən Hilal Həsənov və Onur Quluzadə, qadınlarda isə Mərziyyə Nurmatova ilə Zemfira Mikayılova mübarizədə iştirak edəcək.
Ağırlıqqaldırma üzrə isə Rahilə Hüseynzadə (86 kq) final mərhələsində qüvvəsini sınayacaq.
Bundan başqa, muaytay döyüşçülərimiz Xəyal Əliyev (60-65 kq) və Səlahəddin Qocazadə (65-70 kq) qalib gəlmək uğrunda mübarizə aparacaqlar.
Karate üzrə isə Roman Heydərov, Turqut Həsənov və Fatimə Cəbrayılova öz bacarıqları ilə fərqlənməyə çalışacaqlar.
Qeyd edək ki, VI İslam Həmrəyliyi Oyunları noyabrın 21-də başa çatacaq. Azərbaycan idmançıları indiyədək 4 qızıl, 9 gümüş və 16 bürünc medal olmaqla 29 mükafat qazanıb və xal sıralamasında altıncı yerdədilər.
