Səudiyyə Ərəbistanının paytaxtı Ər-Riyyadda keçirilən VI İslam Həmrəyliyi Oyunlarında Azərbaycan muaytay millisinin iki üzvü 1/4 final mərhələsinə adlayıb. Yarışa ezam olunmuş müxbirin məlumatına görə, idmançılarımız 1/8 final döyüşlərini qələbə ilə başa çatdırıblar.
60-65 kq çəki dərəcəsində mübarizə aparan Xəyal Əliyev Misirin təmsilçisi Hüsnü Fəhmi Sayedini nokautla məğlub edib. Digər idmançımız Səlahəddin Qocazadə isə 65-70 kq çəki dərəcəsində Yəmənin Aiham Ahmed Abdo Alawadhi üzərində ilk raundda texniki nokautla üstünlük qazanaraq növbəti mərhələyə yüksəlib.
Azərbaycanlı muaytayçılar bu qələbələrlə ölkəmizi İslamiadanın növbəti mərhələsində layiqincə təmsil edirlər.
