Azərbaycan Respublikası Atçılıq Federasiyasının təşkilatçılığı ilə Binə Atçılıq Mərkəzində Peşəkar Çövkən Liqasının XXII turun son oyunları və mükafatlandırma tədbiri keçirilib. Mövsümün ən vacib qarşılaşmasında “Elit” komandası “Sərhədçi” ilə üz-üzə gəlib, gərgin mübarizədən sonra 2:1 hesabı ilə qələbə qazanıb.
“Elit” bu uğurla turniri 54 xalla ikinci yerdə bitirib. Liqa boyu sabit nəticələri ilə seçilən “Sərhədçi” komandası isə cəmi 57 xalla mövsümün qalibi adını qeydə alıb. “Polad” heyəti 53 xalla üçüncü pillədə qərarlaşaraq podiumun son basamağını əldə edib.
Oyunlardan sonra keçirilən mərasimdə Atçılıq Federasiyasının prezidenti Elçin Quliyev və vitse-prezident Cavid Abdullayev qalib və mükafatlı komandalara diplomlar, medallar təqdim edib, “Sərhədçi”yə isə qalib Kubokunu veriblər. Tədbir Federasiya İdarə Heyətinin qaliblərə gördükləri təltiflər və xatirə fotosu ilə yekunlaşdı.
