Kişi basketbolçulardan ibarət Azərbaycan yığması 2029-cu il Avropa çempionatının seçmə mərhələsində debüt matçına çıxıb. Tahir Baxşıyevin rəhbərlik etdiyi komanda A qrupunda səfərdə Şimali Makedoniya ilə qarşılaşıb.
Skopyedə, SRC Kale arenasında baş tutan görüş yığmamız üçün uğursuz alınıb və meydan sahibləri 87:49 hesabı ilə qalib gəlib. Şimali makedoniyalılar ilk perioddan üstünlüyü ələ alaraq fasiləyə 40:21 öndə yollanıblar, Azərbaycan millisində isə ən məhsuldar basketbolçu 12 xal vuran Amil Həmzəyev olub.
| Yer | Komanda | Oyun | Q | M | Xal | Fərq |
|---|---|---|---|---|---|---|
| 1 | Şimali Makedoniya | 1 | 1 | 0 | 2 | +38 |
| 2 | Lüksemburq | 1 | 1 | 0 | 2 | +10 |
| 3 | İrlandiya | 1 | 0 | 1 | 1 | –10 |
| 4 | Azərbaycan | 1 | 0 | 1 | 1 | –38 |
Azərbaycan yığmasının seçmə mərhələdə növbəti rəqibi Lüksemburq olacaq. Komanda noyabrın 30-da Bakıda azarkeşlər önündə qrupdakı ikinci oyununa çıxacaq.
