Kostas Vasiliadisin çalışdırdığı “Neftçi” FIBA Avropa Kubokunun 2026/2027 mövsümündə üçüncü oyununu da məğlubiyyətlə başa vurub. Bakı klubu H qrupunun üçüncü turunda İsveçrədə “Friburq Olimpik” ilə qarşılaşıb və 73:78 hesabı ilə uduzub.
Friburqda keçirilən, Bakı vaxtı ilə saat 22:00-da başlayan görüşün ilk periodunu Azərbaycan təmsilçisi 18:15 hesabı ilə öndə bitirib. İkinci on dəqiqədə təşəbbüsü meydan sahibləri ələ keçirib və böyük fasiləyə 35:31 hesabı ilə yollanıb.
Üçüncü on dəqiqənin sonunda meydan sahiblərinin üstünlüyü yeddi xala çatıb – 60:53. Dördüncü periodda “Neftçi” hesab arasındakı məsafəni qismən azaltsa da, məğlubiyyətin qarşısını ala bilməyib.
Bundan əvvəl Bakı klubu səfərdə Yunanıstanın “Mikonos”una 58:78, doğma meydanda Latviyanın VEF komandasına 94:110 hesabı ilə uduzmuşdu.
Üç turun ardından aktivində üç xal olan “Neftçi” H qrupunda sonuncu, altıncı pillədə qərarlaşıb. Komanda qrupda hələ qələbə qazanmayan yeganə kollektivdir.
