Birləşmiş Ərəb Əmirliklərində keçirilən Globe Soccer Awards yarışlarının 2025-ci il final siyahısı açıqlanıb. Bu tədbir çərçivəsində ən yaxşı klubdan tutmuş, ən yaxşı hücumçu, yarımmüdafiəçi, baş məşqçi və Yaxın Şərqin ən yaxşı futbolçusuna qədər bir çox nominasiyada finalçılar müəyyən edilib.
Dünyanın ən yaxşı klubu kateqoriyasında 8 komanda mübarizə aparır: “Əl-Əhli” (Qahirə), “Barselona” (İspaniya), “Bavariya” (Münhen), “Çelsi” (London), “Flamenqo” (Rio-de-Janeyro), “Liverpul” (İngiltərə), PSJ (Paris) və “Sportinq” (Lissabon). Qeyd edilən bu siyahıda ötən il mükafatı qazanan “Real Madrid” yox idi.
Ən yaxşı hücumçu nominasiyasında isə aşağıdakı futbolçular final mərhələsində yarışacaq: Usman Dembele (PSJ), Harri Keyn (“Bavariya”), Xviça Kvaratsxeliya (PSJ), Robert Levandovski (“Barselona”), Kilian Mbappe (“Real Madrid”), Rafinya (“Barselona”), Məhəmməd Salah (“Liverpul”) və Lamin Yamal (“Barselona”). 2024-cü ilin mükafat sahibi “Real Madrid”dən Vinisius Junior olmuşdu.
Yaxın Şərq regionunun ən yaxşı futbolçusu kategoriyasında dörd oyunçu seçilib: Kriştianu Ronaldu (“Əl-Nəsr”), Karim Benzema (“Əl-İttihad”), Riyad Marez (“Əl-Əhli”) və Salem Əl-Davsari (“Əl-Hilal”). Son iki ilin qalibi Kriştianu Ronaldudur.
Ən yaxşı yarımmüdafiəçi nominasiyası üzrə finalçılar aşağıdakılardır: Cud Bellinqem (“Real Madrid”), Dezire Due (PSJ), Fermin Lopes (“Barselona”), Joau Neveş (PSJ), Koul Palmer (“Çelsi”), Pedri (“Barselona”), Federiko Valverde (“Real Madrid”) və Vitinya (PSJ). Keçən ilin qalibi isə Cud Bellinqem idi.
Ən prestijli fərdi mükafat hesab olunan “Dünyanın ən yaxşı futbolçusu” kateqoriyasında həmçinin bir çox yüksək səviyyəli oyunçular yer alıb, o cümlədən: Ousmane Dembélé, Éver Banega, Achraf Hakimi, Nuno Mendes, Khvicha Kvaratskhelia, Vitinha (PSG), Erling Haaland (Manchester City), Vinicius Junior və Kylian Mbappé (Real Madrid), Robert Lewandowski, Pedri, Raphinha, Lamine Yamal (Barcelona), Cole Palmer (Chelsea) və Mohamed Salah (Liverpool). Vinisius 2024-cü ildə qalib oldu.
Ən yaxşı baş məşqçi nominasiyasında isə altı mütəxəssis finala yüksəlib: Xabi Alonso (“Real Madrid”), Mikel Arteta (“Arsenal”), Luis Enrike (PSJ), Hans-Diter Flik (“Barselona”), Enzo Mareska (“Çelsi”) və Arne Slot (“Liverpul”). Ötən ilin bu nominasiyada qalibi Karlo Ançelotti olmuşdu.
