Azərbaycan Həndbol Federasiyası (AHF) cənub bölgəsində, xüsusilə Lənkəran, Astara, Cəlilabad, Lerik, Masallı və Yardımlı rayonlarında həndbolun inkişafını sürətləndirmək üçün geniş təşəbbüslərə başlayıb. Federasiyanın yeni təyin edilmiş cənub bölgəsi koordinatoru Vidadi Əliyev – “Azəryol”un keçmiş baş məşqçisi və milli komandanın keçmiş rəhbəri – regionda 2012-2013 təvəllüdlü oğlanlardan yeni komandalar formalaşdıraraq beynəlxalq turnirlərə göndərməyi hədəfləyir. Bir neçə gün öncə təyin olunan Əliyev Lənkəranda yaşayaraq bütün rayonlara şəxsən nəzarət edir.
Vidadi Əliyev rayon məktəblərində, Olimpiya Komplekslərində və regional idman idarələrində aktiv görüşlər keçirərək keçmiş həndbolçuları və müəllimləri cəlb edir: “Cənub zonasında, xüsusən də Lənkəranda uşaqların həndboldan ümumiyyətlə anlayışı yoxdur. Düzdür, burada əvvəllər komandalar olub. Amma SSRİ dönəmində fəaliyyət göstəriblər. Bu səbəbdən məktəblərdə hənbola maraq olurdu. 90-cı illərdən sonra isə cənub zonasında Cəlilabadı çıxmaq şərtilə ümumiyyətlə həndbol olmayıb. Məqsədimiz 2012-2013 təvəllüdlülərdən başlayaraq uşaqları həndbola cəlb etmək və komanda formalaşdırıb beynəlxalq yarışlara göndərməkdir”. Federasiya zalları inventarlarla təmin edir, məktəblərarası yarışlar və rayon birincilikləri planlaşdırılır.
Əliyevin təşəbbüsü Prezidentin regionlarda idmanın inkişafı üzrə tapşırığına uyğundur. Gənclər və İdman Nazirliyi region Olimpiya Komplekslərini sərəncam vermişdir. Koordinator müəllimlər üçün seminarlar və qayda jurnalları hazırlayır: “Şəxsən mənim təşəbbüsümlə topdan tutmuş, bütün lazımi ləvazimatlar gətirilib. Lənkəranda yaşayıram və bütün regionlara gedirəm. Dəstək verənlərin sayı artır. Bir müddət sonra Lənkəranda da komanda formalaşdırılacaq”. AHf-dən dəstək alan layihə milli yığma üçün yeni həndbolçular yetişdirəcək.
