Bu gün İtaliyada XXV Qış Olimpiya Oyunlarının rəsmi açılış mərasimi keçiriləcək. Milan şəhərindəki məşhur “San Siro” stadionunda təşkil olunacaq tədbir Bakı vaxtı ilə saat 23:00-də başlayacaq və Oyunları rəsmən başlandıracaq.
İtaliyanın Milano və Kortina d’Ampetso şəhərləri ev sahibliyi edəcək müsabiqələr fevralın 4-də körlinq yarışları ilə artıq start almışdır.
Unikal Olimpiya alovları
Olimpiada tarixində ilk dəfə iki alov qazanı istifadə olunacaq. Biri Milan şəhərinin simvolu olan Sülh Tağının (Arco della Pace) yaxınlığında, digəri isə Kortina d’Ampetsoda Piatsa Dibona meydanında yerləşəcək.
Bu qazanlar eyni vaxtda alovlandırılacaq və söndürüləcək, ev sahibi bölgələr arasında vahidliyi simvolizə edəcək. Qazanlar aerokosmik alüminiumdan hazırlanmış, dinamik strukturla təchiz olunub və Leonardo da Vinçinin disain ənənələrindən ilhamlanıb.
Azərbaycanın çıxışı və tarixi
Azərbaycanı dağ xizəkçisi Anastasiya Papatoma (slalom növü) və fiqurlu konkisürən Vladimir Litvintsev təmsil edəcək.
Litvintsev lisenziyayı 2025-ci il dünya çempionatında (Boston) 233,31 xalla 15-ci yerlə qazanıb, Papatoma isə FIS yarışlarında reytinq xalları toplayaraq vəsiqə əldə edib. Bu, ölkənin Qış Olimpiadasında 8-ci cəhdi olacaq.
Müstəqillikdən sonra ilk iştirak 1998 Naqano olimpiadası olmuşdur. Ən yaxşı nəticə 2014 Soçi Oyunlarında Yuliya Zlobina və Aleksey Sitnikovun buzüstü rəqsində 12-ci yeri qeydə almasıdır.
2022 Pekində Litvintsev 18-ci, Yekaterina Ryabova 15-ci pillələr tutmuşdu. Paralimpiyada Mehman Ramazanzadə 2022-də lisenziya qazansa da, zədələnmə səbəbində çıxış edə bilməyib.
Oyunlar 6-26 fevral, Paralimpiya isə 6-15 martda keçəcək. Açılışda İtaliya Prezidenti Serçio Mattarella iştirak edəcək, bu da Kirsti Koventrinin IOC prezidentliyi dövründə ilk Qış Olimpiadası olacaq.
